文章
明星娛樂
心靈
家庭
職場
追憶歷史
全部
    
梁朝偉突擊商台宣傳新戲 林海峰瘋狂擦鞋場面超尷尬
2023/12/20

影帝梁朝偉向來少公開露面,今日(19日)竟然突擊商台,接受節目《在晴朗的一天出發》訪問宣傳新戲《金手指》。主持人林海峰則瘋狂大讚梁朝偉,不過就講錯嘢自己唔知之餘,仲令梁朝偉顯得十分尷尬…

梁朝偉突擊商台宣傳 林海峰瘋狂擦鞋場面超尷尬

梁朝偉今日(19日)突擊商台,接受節目《在晴朗的一天出發》訪問宣傳新戲《金手指》,令一班主持一開咪就超興奮。主持之一的林海峰雖然開完騷後細菌感染導致失聲,但今日就最為雀躍,不停多方面大讚梁朝偉,唔單只讚梁朝偉夠勤力、鐘意睇書,又話好想再睇梁朝偉做返《咖喱辣椒》嗰啲搞笑戲,令原本已經不善社交的梁朝偉不停以笑帶過。 場面已經夠曬尷尬,林海峰仲要繼續講,仲話梁朝偉「即刻唔答我」,搞到梁朝偉終于開口解釋指:「我反而都享受嗰陣啲演出,因為冇包袱,冇乜人對你有咩期望。」

電影《咖喱辣椒》1990上映,呢套電影其實由周星馳與張學友擔任主演的電影,而戲中並沒有梁朝偉飾演,所以現場梁朝偉顯得非常尷尬。

林海峰瘋狂表示自己好鐘意以前梁朝偉拍搞笑戲,梁朝偉聽完之後都已經以笑帶過。(圖片來源:《在晴朗的一天出發》截圖)

ADVERTISEMENT

但林海峰都照繼續講,仲話梁朝偉「即刻唔答我」,搞到梁朝偉最後都有開口解釋話自己都好喜歡拍當時嘅搞笑片。(圖片來源:《在晴朗的一天出發》截圖)

林海峰不停話想睇梁朝偉再拍《咖喱辣椒》呢啲搞笑戲,其實梁朝偉並沒有于呢部戲演出。(圖片來源:《咖喱辣椒》劇照)

事實上網友已于直播留言區糾正試圖力挽狂瀾,可惜冇人提醒林公子,在影帝面前講完一次再錯一次!(圖片來源:903FB討論區)

林海峰出Po道歉:罰抄一千次阿飛與阿基

林海峰于事件發酵之後火速道歉,並在社交媒體上發文寫道:「I’ll chop myself into pieces(我會斬自己99段)!」並po出一張原本想說由梁朝偉主演的電影《阿飛與阿基》劇照:「#罰抄一千次阿飛與阿基!」

林海峰Facebook發文道歉講錯嘢。(圖片來源:林海峰Facebook)

梁朝偉親揭接拍《金手指》主要原因

梁朝偉今日(19日)突擊商台,最主要的目的都是為了宣傳新戲《金手指》。梁朝偉指今次新戲有一種似曾相識的感覺,首先作品是由莊文強執導,對手亦是劉德華,所以有一種《無間道》班底重聚的感覺。梁朝偉指除了劇本吸引之外,班底重聚亦是今次接拍新戲的主要原因之一:「重聚都係誘因嚟,同華仔都合作三十幾四十年,莊文強就拍《無間道》嗰陣都好愉快,都會成日嚟我哋屋企,平時都有來往。」

梁朝偉在戲中飾演的角色「程一言」,是根據佳寧集團董事長陳松青為原型,今次亦是梁朝偉繼《一代宗師》葉問後,第二套按照真實人物拍攝的作品。梁朝偉在訪問中笑指覺得莊文強特登整呢個故事去引自己去拍:「如果我冇一個實質嘅人物,我諗唔到係點,我可能唔拍,所以佢就整咗個有藍本嘅角色。」

ADVERTISEMENT

梁朝偉今次于《金手指》再同劉德華合作。(圖片來源:《金手指》劇照)

梁朝偉指今次《金手指》班底同《無間道》差不多,有一種重聚的感覺。(圖片來源:《無間道》劇照)

因1原因多次推莊文強劇本

梁朝偉有指莊文強多年來都有畀劇本自己睇,但就因為1主要原因拒絕了好幾次:

莊文強一直都有畀啲劇本我睇,我又真係推咗佢好多次。因為我一睇我又覺得真係冇Feel喎,雖然佢之後拍出嚟好成功,但我真係冇Feel啊嘛,人哋睇咗覺得有feel,會做得好。但我睇完覺得冇feel,咁姐係我未必會做得好。

梁朝偉和莊文強本身都關係好好。(圖片來源:《人生半山腰》節目截圖)

梁朝偉分享與劉德華的關係

此外,梁朝偉亦指自己與相熟的朋友一起工作會比較放,又提到自己與劉德華的關係,指二人合作多年有一定的默契:「嗰時拍《鹿鼎記》都拍咗幾十集,一段好長嘅時間一齊,嗰陣建立咗一嗰好特別嘅關係,同埋建立咗好多信任,所以我相信嗰默契係嗰陣開始。

梁朝偉指與劉德華早在拍攝《鹿鼎記》開始,已經建立了一段好特別的關係。(圖片來源:《鹿鼎記》截圖)

預告下一套作品做科學家

除了宣傳了新戲《金手指》之外,梁朝偉亦大方預告將在下一套作品飾演科學家。向來為角色做足準備的梁朝偉,坦言因為新角色「頭都大埋」:「近期睇好多腦神經書,都唔知自己明得幾多,睇就睇曬。好彩成日都係大學走嚟走去,搵啲專家解釋一下。」

梁朝偉指將會拍歐洲導演執導的《Silent Friend》,飾演一個腦神經科學家。(圖片來源:IG@carinalau1208)

嚴禁無授權轉載,違者將面臨法律追究。

曾經得過金鐘獎!20歲女星「擺地攤賣二手衣」都沒人認出 強忍寒天「一天僅賺1068元」
2024/01/15
兒子罰寫課文10遍!媽媽求情老師「遭冷言回絕妳奈我何?」 網一看全讚「遇到好老師」對話紀錄曝光
2024/01/15

ADVERTISEMENT

中國月賺2億!寇乃馨返台「接不到尾牙」收入慘掛零 「急向廠商喊話」背後殘酷真相曝光
2024/01/15
豐田倒三輪電車上市,續航50公裏,能遮風避雨售價約五萬台幣,再也不怕堵車
2024/01/15
公司吃尾牙!第一道菜「超壯觀鈔票磚」每人拿一疊 她拿近「看完當場翻臉」:害我差點辭職
2024/01/15
謝霆鋒驚爆罹癌!經紀人證實「黑色腫塊擴大」緊急手術 第一時間「打給張柏芝」她的回應讓全場傻眼
2024/01/15
今投票日!本土劇一姐「嗨比神秘手勢」掀爭議 「恐遭罰逾10萬」經紀人緊急回應
2024/01/15
新年剛過13天!大咖男神娶「台灣千金7年」突清空貼文 「400萬社群留一句話」網全錯愕
2024/01/15
張小燕投完票首發聲「釣出整排藍勾勾」 「短短幾句話」擁上萬人支持
2024/01/15
她是向華強都不敢惹的人,身價上百億,卻獨寵男友16年
2024/01/15